Atrévete a conquistar o gran balcón de Compostela, o monte Pedroso. Partiremos desde as inmediacións do río Sarela para ascender pola mítica Selva Negra, un bosque cheo de encanto e fontes escondidas, ata alcanzar o parque da Granxa do Xesto, un lugar ideal para un descanso. O esforzo verase recompensado na cima coa panorámica máis espectacular da Catedral e toda a cidade. O descenso guiaranos polo monte Fontecova e a histórica igrexa da Peregrina, completando un sendeiro circular que combina as mellores vistas de Santiago cun baño de natureza.
PUNTOS DE INTERESE
Desde a ponte do Asén, a ruta segue o Sarela entre fontes e muíños ata a misteriosa Selva Negra, onde agroma a fonte do Cardeal Spínola. A subida ao miradoiro do Pedroso regala vistas impresionantes da cidade. O camiño descende ata a histórica ponte dos Tres Ollos, pechando un percorrido que une natureza, patrimonio e silencio.
goza da natureza
Ruta: sendeiristas
Sigue as normas
Mantén a túa mascota con correa
Preserva a nosa natureza
Emerxencias
Descobre os sendeiros máxicos de Santiago de Compostela, onde cada paso conta una historia. Explora paisaxes únicas, recunchos secretos e a esencia galega en todas e cada unha das rutas propostas. Anímate a camiñar, respirar natureza e vivir a cidade e a súa contorna desde outra perspectiva.