Comeza unha viaxe no tempo partindo da impoñente Colexiata románica de Sar. Cruzaremos o histórico Ponte de Sar para penetrarmos nun carreiro onde o río é protagonista. Descubriremos a memoria da auga nos antigos muíños de Vella Xoana e Mourullo, e a arquitectura popular no Hórreo dos lavadoiros das Brañas de Sar.
Avanzando polo paseo fluvial, pasaremos polo Ponte do Viso e deixaremos atrás os vestixios de antigos curtidoiros. A senda condúcenos entre o murmurio da auga ata o Parque Berce do Sar, un remanso de paz perfecto para finalizar o noso percorrido.
PUNTOS DE INTERESE
A ruta polo río Sar comeza na histórica colexiata de Sar e continúa ata a recoleta capela de San Brais. No camiño, o muíño da Vella Xoana e o curtidoiro do Viso lembran a importancia preindustrial do río. O paseo remata no parque Berce do Sar, un espazo verde pensado para o encontro entre natureza e veciñanza.
goza da natureza
Ruta: sendeiristas
Sigue as normas
Mantén a túa mascota con correa
Preserva a nosa natureza
Emerxencias
Descobre os sendeiros máxicos de Santiago de Compostela, onde cada paso conta una historia. Explora paisaxes únicas, recunchos secretos e a esencia galega en todas e cada unha das rutas propostas. Anímate a camiñar, respirar natureza e vivir a cidade e a súa contorna desde outra perspectiva.