PUNTOS DE INTERESE
ruta 9 río sarela
Común ás rutas:
Fundación Laboral de la Construcción
O centro está situado na antiga curtiduría de Pontepedriña de Arriba (O Avío), na beira do Sarela. Trátase dunha vella fábrica de curtidos que data do século XVIII e que conta cun terreo adxacente, que suma, xunto co edificio, un total de 23.000 metros cadrados. As obras de rehabilitación conservaron a tipoloxía construtiva da zona, adaptando a fábrica de curtidos aos novos usos que ten como centro de formación. Este centro é o primeiro en España destinado á formación especializada e ao reciclaxe laboral de persoas traballadoras e empresas da construción, na área de rehabilitación en diferentes especialidades como a madeira, a cantería, a forxa ou o metal.
Nestas instalacións atópase a Sede do Consello Territorial de Galicia, incluíndo: o Centro de Formación da área de Santiago e os departamentos de Formación, Seguridade e Saúde, Comunicación e Administración de Galicia. É aquí onde se planifican e coordinan a formación impartida en toda Galicia e os servizos relacionados coa área de Seguridade e Saúde o Emprego.