ruta 12 Sendeiro Cidade da Cultura – Alameda

Tras décadas en certo estado de abandono, sobre todo na segunda metade do século XX, as Brañas de Sar recibiron unha importante renovación entre 2015 e 2016 da man do Obradoiro de Emprego Xuvenil Ecotur.
Así, durante o tempo que se estenderon estes talleres leváronse a cabo tarefas de roza, podas selectivas, eliminación de especies invasoras, consolidación de camiños ou restauración de elementos auxiliares, para transformar as Brañas de Sar nun parque fluvial de pleno dereito.
Ao mesmo tempo tamén se realizaron obras de acondicionamento de hortas urbanas, aproveitando a presenza duns terreos de titularidade pública que non estaban a ser utilizados.
Deste modo, as Brañas de Sar pasaron a contar con 54 hortas urbanas para ser explotadas por parte da veciñanza, cada unha delas cunha superficie media de 55 metros cadrados.